- UID
- 10002
- 帖子
- 902
- 积分
- 532
- 紫菀
- 44 朵
- 花瓣
- 48 片
- 花蕊
- 204 朵
- 野草莓
- 43 个
- 蒲公英
- 100 朵
- 社区等级
- 30 级
- 在线时间
- 137 小时
- 注册时间
- 2006-9-21
- 蜗居何地
- 妈妈的肚里钻出来滴^_^
- 登录状态
-
当前离线
|
楼主
发表于 2007-5-24 15:52
| 只看该作者
自从呢头婚事定左落黎之后,我就开始为左呢件事去做准备,但有好多时都系觉得自己有心无力.
例如上一个叫99既结婚网,每日都去睇吓有咩有关事项要注意啦,有咩地方影相好啦,有咩菜单价格啦,有咩婚庆公司啦,有咩分妆师啦,有咩摄影队提供服务啦......上边真系好多野睇,但系睇到眼花......睇到个人都晕吓晕吓.
其实咩都系钱作怪,如果有钱,使乜理人地边度有平野,边度着数D.直接去就系啦.我都有时觉得自己落力过头,帮距地省钱又唔会入我袋既,你既然预左结婚就一定会洗好多钱.始终我系待嫁既人,屋企就得我一粒女,宝贵过、重要过任何野,嫁左出去,屋企就少左一个人,少左一份生气,少左一份贴心,就算你用几多钱都买唔翻,所以对呢头婚事有要求,我觉得唔会好过份。毕竟点都系男家既人忙先岩咖嘛,距地娶老婆喔,娶新抱喔,点样计都唔伦到女家担心呢D野啦......
或者系我由一开始就做错左,无论咩大小节日,我都唔使距送礼物俾我,因为我知道距无钱,所以我唔会好似其他女仔甘要求距一定要送,可以讲一齐甘耐都无咯.前日,有个同事同我讲,话距男朋友都系甘样,对女朋友的生日啊,特别节日啊完全唔上心,竟然可以生日连饭都唔请食一餐,只系响街边买左一碗萝卜牛杂,仲要返到屋企已经吃净小半先留俾距女朋友......然后第二日,我同事的朋友就问,他送你什么了啊?我同事好郁闷的说:就是不告诉你呗~~是秘密。
这还能有什么可以回答呢......
甘我呢?
每逢节后第二日,会有人问我:你收到咩礼啊?或者系,距送左咩野俾你啊? 我都会好轻松甘样回答:无啊,都一齐甘耐咯,就甘一齐行吓街,食餐饭甘咯~~
我觉得都无咩好掩饰啦,反正基本上好多节日都有距陪我过,我都算比人地幸福咖啦,甘就OK啦~~~
又讲返转头,又有人同我讲:吓,你结婚啦?甘距点同你求婚啊?讲黎听吓啊?
我好无奈,因为心知距唔会甘做,第一个距会唔好意思去求婚,亦唔识点去求婚;第二个,距会觉得求婚好无谓,反正成个人都系你咖啦,都结婚啦一齐啦,唔需要再买咩求婚戒指啦,大家都讲过左会今年内结婚咪系咯,迟D去注册咪得咯,搞甘多野做咩姐。。。。。。
霖吓霖吓,人一世物一世,结婚求婚的过程都系一世一次,点解就唔做好D呢,情愿意以后悭D洗咯,现在未嫁都甘无诚意,嫁左都唔会得到对方尊重和对方家人尊重啦。。。。。。
又霖吓霖吓,有得同自己钟意既人一齐,一生一世,重要过其他野啦,何必重于表面功夫呢?
系啊,我好矛盾啊,一方面好想距同距屋企人会尊重我,一方面又考虑到距无胆无钱无心思。有时我真系觉得自己好着紧,成日都睇吓果个网站有咩新消息,一回到家就话距知有咩睇过,距反而好平淡,根本觉得自己唔系就快结婚甘,依然挂住睇网络小说,依然挂住打机。
我好失望,自己做甘多功夫都系白做的,一早做好计划表,稳好所有相关的资料同网站俾距同距屋企人睇,得黎既只系一句:其实我地又唔系有钱人,何必睇D甘贵既野喔,你成日都睇人地,觉得人地嫁得好,咩都好,甘样要求。。。。。。
响呢一刻,我听唔落去啦,我觉得自己好似白痴,一直响度自我陶醉,响度做无用功,觉得只系我一厢情愿嫁过去甘样,我唔希望我地响婚前会出咩状况,导致最终系难堪的收场。。。。。。所以我只有自己决定,以后关于结婚的事,我唔再过问,唔再插手,亦唔理人地点样言论我嫁得好还是唔好,风光还是俾人地当系攀龙附凤,我都唔理啦,亦唔轮到我去理啦。
讲到结婚戒指,距屋企人既意思系,钻戒留返结婚周年先买啦,当年结婚唔使买啦。至于结婚对戒咯喔,使乜买铂金啊,好意头D,一只金一只铜就OK啦。。。。。。我唔知距地系觉得意头紧要过其他野,还是唔舍得。。。。。。响呢样野上,距答应左我钻戒当求婚戒,对戒买铂金戒,但呢D野唔系发自距内心自愿买的,都系我讲人地点,人地点,距无耐之下先应承的。其实我自己个心真系唔好受,你就算买都一样系唔好受,因为系有吵有俾人话先得到返来的野,我真系唔稀罕,系真既!
又有人问我,做你姊妹你包唔包礼服咖?甘我都只系随口问左距一句,距就话:边有人结婚连姊妹裙都包埋咖?甘有D人身材同其他人唔同,甘咪又要订造,唔使钱啊?你身边有边个朋友结婚系有包姊妹裙咖。我都系问一句姐,都甘大意见。所以我更加唔想再理啦,好辛苦啊,我已经觉得好累啦,唔想继续呢头婚事落去啦,样样都唔顺心,样样都要考虑呢样考虑果样,并且无一样野系自愿甘让我觉得好开心的。我成个人心情都低落哂啦,所以麻烦大家以后都唔好问我有关呢D事啦,多谢先啦。。。亦都唔好再私底下同其他人讨论。。。因为无咩好值得兴奋。。。最起码我唔觉得兴奋 |
|